Sunday, November 27, 2011
लुटेर पेट भर्नु भन्दा
भोकै बस्छु बरु !
'कृष्ण' जप्छु
धोती बेर्छु, बन पस्छु बरु !
जन्मे नाङ्गै, मर्दा नाङ्गै
के छ मरी लानु ?
जोगी बन्छु, निधार मा, छारो घस्छु बरु !
दिएका छ्न्, इश्वर ले
सग्ला हात र गोडा
मिहिनेत गर्छु, पसिना झार्छु, घुँडा धस्छु बरु !
झर्दा तारा, आँखा चिम्लि
माग्दा पुग्छ भने
सबको ईच्छा पुरा गर्न, म नै खस्छु बरु !
'प्रखर' पुर्न, खाल्डो खन्ने, दु:ख नगर है
पासो थाप्छु
आफ्नो लागि, आफै फस्छु बरु !!
(लुटेर पेट भर्नु भन्दा
भोकैबस्छु बरु ! 'कृष्ण' जप्छु, धोती बेर्छु, बन पस्छु बरु !)
Subscribe to:
Posts (Atom)